وزیر اعلیٰ نے پوڑی ہسپتال کے بعض مسائل پر رپورٹ طلب کر لی

- ڈسٹرکٹ مجسٹریٹ اور محکمہ صحت کو فوری طور پر ہسپتال میں تمام بنیادی سہولیات فراہم کرنے کی ہدایات
دہرادون۔ بس حادثے کے بعد وزیر اعلیٰ پشکر سنگھ دھامی نے پوڑی اسپتال میں بدانتظامی کی شکایت کا نوٹس لیا ہے۔ پوڑی ضلع مجسٹریٹ سے اس معاملے پر رپورٹ طلب کرنے کے ساتھ ساتھ انہوں نے اسپتال میں تمام بنیادی سہولیات فوری طور پر فراہم کرنے کی ہدایت بھی دی ہے۔ وزیر اعلیٰ نے بس حادثے میں جاں بحق ہونے والوں کے لواحقین کو فی الفور 5 لاکھ روپے اور شدید زخمیوں کو ایک ایک لاکھ روپے کی کل مالی امداد فراہم کرنے کی ہدایت کی۔ وزیر اعلیٰ پشکر سنگھ دھامی نے پوڑی اسپتال میں بس حادثے کے زخمیوں کو مناسب علاج فراہم کرنے میں بدانتظامی سے متعلق شکایت پر منگل کو کیمپ آفس میں سینئر افسران کے ساتھ میٹنگ کی۔ انہوں نے اس معاملے میں پوڑی کے ڈی ایم سے رپورٹ طلب کی ہے اور یہ بھی کہا ہے کہ غفلت برتنے والے افسران اور ملازمین کے خلاف کارروائی کی جائے اور ہنگامی حالات کے لیے اسپتال میں ہر طرح کی سہولیات فراہم کی جائیں۔ وزیر اعلیٰ نے کہا کہ اب اتراکھنڈ کے دور دراز علاقوں میں صحت خدمات کا نیٹ ورک دستیاب ہے۔ ایسے میں ہسپتالوں میں شدید بیمار یا زخمی افراد کے علاج میں کوئی کوتاہی نہیں ہونی چاہیے۔ اس کے لیے ریاست بھر کے اسپتالوں میں بنیادی سہولیات کے ساتھ ساتھ ضروری ادویات اور طبی عملے کی دستیابی کو ہر وقت یقینی بنایا جائے۔ وزیراعلیٰ نے بس حادثے کی وجوہات جاننے اور محکمہ ٹرانسپورٹ کے اہلکاروں کی غفلت ثابت ہونے پر کارروائی کرنے کی بھی ہدایت کی۔